1 Tus txwjlaug,

Xa rau Nkaius, tus hlub, uas kuv tau hlub hauv qhov tseeb.

2 Tus kuv hlub e, kuv thov Vajtswv rau koj kom koj yuav nyobzoo thiab tau kev vammeej rau txhua fab ibyam li koj tuskheej tau kev vammeej. 3 Kuv zoo siab heev thaum cov kwvtij los txog thiab ua timkhawv txog txojkev tseeb hauv koj, raws nraim li koj taugkev hauv qhov tseeb. 4 Kuv muaj kev zoo siab tshaj tej no thaum kuv hnov tias kuv tej menyuam uaneej hauv qhov tseeb.

5 Tus uas kuv hlub, koj tau ua raws kev ntseeg thaum koj tiam cov kwvtij, txawm lawv yog qhua. 6 Lawv tau ua timkhawv txog koj txojkev hlub tim ntsoov pawgntseeg. Koj yuav ua zoo thaum koj xa lawv tawm tsimnyog ntsees rau ntawm Vajtswv Ntuj, 7 rauqhov lawv tau tawm tuaj ntawm Nws lub npe thiab tsis tau txais dabtsi ntawm pejkum neeg. 8 Yog li ntawd, peb tsimnyog tostxais tej neeg zoo li no, kom peb dhau ua cov koom haujlwm rau qhov tseeb.

9 Kuv tau sau rau pawgntseeg, tabsis Diautefes, yawg nyiam ua lawv tus thawj ntawd, tsis txais peb. 10 Vim li no, yog kuv tuaj, kuv yuav nco txog tej haujlwm uas nws ua, xws li nws hais tej lus phem txog peb. Nws tsis tau pab dabtsi, tsis tostxais cov kwvtij, tabsis nws tseem tau txwv lwm tus uas xav tostxais, thiab nws tau muab lawv ntiab tawm ntawm pawgntseeg.

11 Tus uas kuv hlub, txhob xyaum tus phem tabsis xyaum tus zoo. Tus uas ua zoo yog tawm ntawm Vajtswv Ntuj los. Tus uas ua phem twb tsis pom Vajtswv Ntuj dua. 12 Demetius twb raug sawvdaws qhuas thiab raug qhov tseeb qhuas. Peb kuj ua timkhawv zoo txog nws thiab koj paub tias peb qhov timkhawv yeej tseeb.

13 Kuv muaj ntau yam yuav sau rau koj, tabsis kuv tsis xav siv cwjmem thiab kuamem dub sau rau koj. 14 Kuv ciasiab yuav pom koj sai, es wb mam sibtham tim ncauj tim lus.

15 Kev thajyeeb rau koj. Cov phoojywg xa kev nojqab nyobzoo rau koj. Hais kev nojqab nyobzoo rau cov kwvtij tuav npe zees.