1 Petus, Yexus Khetos tus timthawj;

Xa rau cov raug xaiv, uas ri mus ua qhua nyob rau Pootus, Kalatias, Kapadokias, Axias thiab Npithunias, 2 cov uas tau raug xaiv raws li Txiv Vajtswv Ntuj kev paub uantej, los ntawm tus Ntsujplig kev ntxuav dawbhuv, mus mloog Yexus Khetos lus thiab mus ntxaum Nws cov ntshav.

Vajhmoov thiab kev thajyeeb npluamias rau nej.

3 Qhuas Vajtswv Ntuj thiab Leej Txiv ntawm peb tus Tswv Yexus Khetos! Raws li Nws txojkev tabncuab loj, Nws tau muab peb yug dua tshiab mus rau txojkev ciasiab muajsia zees los ntawm Yexus Khetos kev sawv ntawm cov tuag rovlos, 4 thiab mus saws qhov nyiaj qabnas uas tsis txawj piam, tsis tsuas, thiab tsis nphob. Qhov nyiaj qab nas no twb raug khaws tseg saum ntuj rau nej, 5 cov uas raug Vajtswv Ntuj lub hwjchim ceev saum kev ntseeg mus rau txojkev cawmdim, uas raug npaj los nthuav rau tiam kawg. 6 Nej zoo siab rau qhov no, txawm nej cheemtsum raug kev quajntsuag los ntawm tej kev simsiab ib nyuag ntu. 7 Tej kev ceem tau tshwmsim kom nej txojkev ntseeg tseem, txoj uas tsimtxiaj dua tej kub liamsim uas raug hlawv hauv qhovcub, yov raug qhuas, muaj tshwjchim, thiab txaus hwm thaum Yexus Khetos rovlos. 8 Nws yog tus uas nej hlub thaum nej tsis tau paub, tus uas nej ntseeg thaum nej twb tsis tau pom. Nej tau txais txojkev zoo siab uas piav tsis tawm thiab muaj tshwjchim. 9 Nej tuav tau lub txiajntsig ntawm nej kev ntseeg, txojkev cawmdim ntawm nej txojsia.

10 Ntsig txog txojkev cawmdim ntawd, thaum cov cevlus tau qhia tawm, lawv tau nrhiav thiab nug pausntsis tibzoo txog qhov vajhmoov rau nej no. 11 Lawv tau sojntsuam seb qhov uas Khetos tus Ntsujplig hauv lawv tau ua timkhawv tias Khetos yuav raug kev txomnyem thiab mam mus txais tshwjchim tomqab ntawd yog hais rau leejtwg thiab nyob lub sijhawm twg. 12 Tej ntawd tau raug nthuav rau lawv paub tias lawv tsis tau tiam tuskheej tabsis tiam nej. Tej ntawd nimno cov qhia txojmoo zoo twb muab tshajtawm rau nej raws tus Ntsujplig Dawbhuv uas tau raug xa saum ntuj los, thiab tej ntawd yog tej uas cov timtswv tau tos nrhw xav pom.

13 Yog li ntawd, muab nej txojsiv tawv kev xav los sia tibzoo, ceev tuskheej, thiab ciasiab tagnrho rau qhov vajhmoov uas Yexus Khetos yuav nqa los rau nej hnub Nws rovlos. 14 Yam tej menyuam mloog lus, txhob yoog nej tej kev kubsiab nramntej thaum nej tsis tau paub 15 tabsis yoog tus dawbhuv uas tau hu nej, thiab dhau ua cov dawbhuv rau txhua txojkev uaneej 16 vim nws twb sau tseg tias: “Ua cov dawbhuv, rauqhov kuv dawbhuv.”

17 Yog nej hu tus uas txiavtxim raws nyias tes haujlwm thiab tsis xaiv ntsejmuag ua Txiv, ces uaneej ntshai rwg thaum nej tseem ua qhua no,

22 Vim nej tuskheej twb raug ntxuav dawbhuv hauv kev txais qhov tseeb mus ua tseem kwvtij sibhlub, tsis xyuam plhu, ibleeg hlub ibleeg tawm hauv lub siab tuaj tiagtiag. 23 Nej twb yug dua tshiab los ntawm lub noob tsis txawj lwj uas txhawv hauv Vajtswv Ntuj txojlus muajsia thiab nyob mus li, tsis yog los ntawm lub noob txawj puastsuaj. 24 Vim tias:

1 Yog li ntawd, tseg ncua txhua txojkev txov luag, txhua txojkev dag ntxias, kev xyuam plhu, kev ntshaw luag tug, thiab txhua lolus nkaug. 2 Nrhiav cov tseem mis uas tsimnyog, yam tej menyuam mos, kom nej yuav hlob rau kev cawmdim los ntawm cov mis ntawd, 3 yog tias nej tau saj qhov puavpheej tias tus Tswv yog tus zoo tiag.

4 Los cuag Nws. Los cuag lub pob zeb ciajsia, uas neeg twb muab povtseg tabsis Vajtswv Ntuj tau xaiv ua lub muaj nqis. 5 Thiab zoo li cov pob zeb ciajsia, nej tabtom raug muab tsa ua lub tsev sab ntsujplig, ua pab povthawj dawbhuv mus fij tej khoom fij sab ntsujplig rau Vajtswv Ntuj hauv Yexus Khetos. 6 Vim nws tau sau hauv Vajlugkub tias:

9 Tabsis nej yog cajces raug xaiv, pab povthawj meejtswv, haivneeg dawbhuv, thiab cov zejtsoom rau Vajtswv Ntuj, kom nej yov tshajtawm tej kev zoo ntawm tus uas tau hu nej hauv kev tsausntuj los rau Nws txojkev kaj uas xav tsis thoob:

11 Cov uas kuv hlub, kuv nquahu nej yam li tej qhua thiab neeg poob tebchaws kom nej tso plhuav tej kev ntshaw sab nqaijtawv uas ua rog tawmtsam nej tej siabntsws. 12 Coj lub neej zoo nruab nrab pejkum neeg, kom lawv, cov uas thuam nej ua neeg phem ntawd, yuav pom nej tej haujlwm zoo thiab qhuas Vajtswv Ntuj rau hnub Nws los xyuas.

13 Tso tuskheej rau hauvqab txhua txojkev tswjhwm ntawm neeg vim tus Tswv, tsis hais rau vajntxwv, tus siab tshaj, 14 lossis rau cov kavxeev uas raug xa tuaj ua tus teemtxim rau cov neeg ua phem thiab tus qhuas cov neeg ua zoo. 15 Vim tias qhov no yog Vajtswv Ntuj tus dejsiab rau cov neeg ua zoo mus kaw tej neeg ruam uas tsis totaub lub ncauj. 16 Yam li neeg ywjpheej, txhob siv kev ywjpheej mus ua phem, tabsis ua nkaus li Vajtswv Ntuj cov tubtxib. 17 Pib hwm txhua tus neeg, hlub tsoom kwvtij, ntshai Vajtswv Ntuj, thiab hwm vajntxwv.

18 Tej tubtxib saib vajtse, tso tuskheej rau qab tswjhwm ntawm nej cov tswv saum kev hwm txhua txojkev, tsis yog rau cov zoo thiab cov siabmos siabmuag xwb, tabsis cov heev tibsi. 19 Rauqhov yog nej tiv mob thiab raug kev txomnyem tsis ncajncees los ntawm nej kev paub txog Vajtswv Ntuj hauv nruab siab, qhov no yog vajhmoov. 20 Yog nej nyiaj mob thiab raug ntaus vim nej ua txhaum, qhov ntawd yog koobmeej dabtsi? Tabsis yog nej tiv kev tsimtxom thaum ua zoo, qhov ntawd yog Vajtswv Ntuj vajhmoov. 21 Nej tau raug hu los rau qhov no, vim Khetos kuj tau raug txomnyem theej nej thiab tau tseg ib tug qauv rau nej, kom nej yov caum Nws tus hneev taw:

1 Ibyam li ntawd, nej cov pojniam, tso tuskheej rau hauvqab kev tswjhwm ntawm nej tej txiv, kom, los ntawm nej kev coj zoo tsis siv lus, tej txiv uas tsis ntseeg txojlus ho yuav raug cawm 2 thaum lawv pom nej tes haujlwm dawbhuv tawm hauv kev hwm Vajtswv Ntuj los. 3 Txhob cia txojkev ntxias plaubhau, kev coj kub, lossis kev hnav tsoos ua nej lub zam, 4 tabsis cia yam nraim nkoos hauv neeg lub siab, xws li tus ntsujplig cojtus thiab nyob ntsiagto, ua nej lub zam tsis txawj piam. Qhov ntawd yog yam muaj nqis heev rau ntawm Vajtswv Ntuj. 5 Rauqhov tej pojniam dawbhuv, uas tau ciasiab rau Vajtswv Ntuj thaud, tau hnav zam ib yam li no thiab lawv tau tso tuskheej nyob qab kev tswjhwm ntawm lawv tej txiv. 6 Ibyam li Xalas tau mloog Anplahas lus thiab tau hu nws ua tus tswv. Los ntawm Xalas, nej tau dhau ua cov ntxhais mus coj zoo es txhob ntshai ib nyuag yam kev thuam li.

7 Nej cov ua txiv los ibyam thiab, koom tsev nrog nej cov pojniam raws txojkev totaub tias lawv tsaugmuag thiab muab meejmom rau lawv, vim lawv kuj yog cov koom nyiaj qabnas rau qhov vajhmoov hauv lub neej, kom nej kev thov Vajtswv Ntuj txhob raug tabkaum.

8 Thaum kawg, nej sawvdaws yuavtsum ua cov xav ibyam, txomnyem uake, sibhlub li kwvtij, muaj siab mosmuag, txo hwjchim. 9 Txhob muab kev phem pauj kev phem lossis kev thuam pauj kev thuam. Tabsis foom koobhmoov pauj tej ntawd, rauqhov nej tau raug hu rau qhov no kom nej yov txais koobhmoov ua nyiaj qabnas. 10 Rauqhov:

13 Ces leejtwg yuav ua phem rau nej yog nej dhau ua cov kubsiab lug rau txojkev zoo? 14 Tabsis txawm nej raug kev txomnyem vim kev ncajncees, nej tau koobhmoov. “Txhob ntshai qhov lawv ntshai lossis poobsiab rau,” 15 tabsis tsa tus Tswv Khetos ua tus dawbhuv rau hauv nej lub siab, thiab npaj txhijzog mus teb txhua tus uas nug nej txog qhov laijthawj ntawm txojkev ciasiab hauv nej, 16 tabsis teb los ntawm kev coj tus thiab kev hwm. Tuav rawv txojkev totaub tuskheej zoo rau hauv nruab siab, kom thaum nej raug kev tawmtsam, cov uas thuam nej tus xeebceem zoo hauv Khetos ntawd yov raug txajmuag. 17 Yog Vajtswv Ntuj tus dejsiab rau nej raug kev tsimtxom, mas nws zoo rau nej raug tsimtxom saum kev ua zoo dua li saum kev ua phem.

19 Lub sijhawm ntawd, Nws tau mus thiab tau tshajtawm rau cov ntsujplig hauv tsev lojcuj, 20 rau cov tsis ntseeg thaud uas Vajtswv Ntuj tau tos ntev loo sijhawm Naues txua lub nkoj. Hauv lub nkoj ntawd qee leej, tagnrho muaj yim leej, thiaj dim ntawm dejdag nyab. 21 Qhov ntawd kuj yog txojkev rausdej uas cawm nej nimno los ntawm Yexus Khetos txojkev sawv rovlos. Kev rausdej tsis yog ntxuav kauv ntawm nqaijtawv tabsis yog kev coglus rau Vajtswv Ntuj los ntawm kev totaub tuskheej zoo. 22 Tomqab tej timtswv, tej tswjchim, thiab tej hwjchim raug muab tso rau Nws kav, Yexus tau nce mus saum ntuj thiab nyob ntawm Vajtswv Ntuj sab xis.

1 Yog li ntawd, vim Khetos tau tuag sab nqaijtawv, tuav tib txojkev xav ntawd ua cuabyeej thiab, rauqhov tus uas tuag ntawm nqaijtawv tau tso kev txhaum tseg. 2 Vimchij li ntawd, lub sijhawm tshuav uaneej sab nqaijtawv no nej txhob ua raws neeg txojkev ntshaw tabsis raws Vajtswv Ntuj tus dejsiab. 3 Rauqhov lub sijhawm taglos nej tau ua li pejkum neeg txojkev ntshaw txaus lawm, vim nej tau uaneej raws kev tsis leem cai, kev ntshaw, kev quav dejcaw, kev qw ua nqaj ua nqug, kev noj tsau haus qaug, thiab kev teev mlom ntximntxub. 4 Thaum nej tsis khiav nchuav ntws rau kev lomsab li qub, mas lawv tsis totaub thiab tseem yov txobthuam nej. 5 Tabsis lawv yuav tau teev lawv zaj rau tus uas npaj txhij yuav txiavtxim rau cov ciaj thiab cov tuag. 6 Vim li no, txojmoo zoo thiaj raug tshajtawm rau cov tuag kom lawv yov raug txiavtxim li neeg saum nqaijtawv thiab muajsia li Vajtswv Ntuj saum ntsujplig.

7 Hnub kawg rau txhua yam twb los ze lawm. Yog li ntawd, xav ntse ntsuav thiab tswj tuskheej rau kev thov Vajtswv. 8 Uantej txhua yam, tuav rawv kev hlub nruab nrab nej vim tias kev hlub npog tau txhua yam kev txhaum. 9 Ibleeg txais ibleeg li tus qhua txhob yws, 10 ibleeg tiam ibleeg raws li qhov koobhmoov uas nws tau txais, yam li tej tubtxib saib tsev zoo uas txawj siv Vajtswv Ntuj tej vajhmoov sibtxawv ntawd. 11 Yog leejtwg hais lus, cia nws hais li yog Vajtswv Ntuj txojlus; yog leejtwg tiam luag, cia nws tiam li Vajtswv Ntuj tau muab dagzog rau nws, kom Vajtswv Ntuj yuav raug qhuas rau txhua yam hauv Yexus Khetos. Rau Vajtswv Ntuj yog tshwjchim thiab hwjchim mus ibtxhiab ibtxhis tsis kawg. Amees.

12 Cov kuv hlub, txhob ceeb txog tej kev kubntaiv uas tau tshwmsim nruab nrab nej los ceem nej ntawd yam li tej xwm txawv. 13 Tabsis zoo siab hlo rau tej ntawd li nej koom nrog Khetos tej kev txomnyem, kom nej yuav zoo siab thiab txaussiab rau hnub Nws tus tshwjchim raug nthuav tawm. 14 Yog nej raug txobthuam hauv Khetos lub npe, nej tau koobhmoov, rauqhov Vajtswv Ntuj tus Ntsujplig uas yog tshwjchim samsim los so rau saum nej. 15 Yog li ntawd, txhob cia nej ibleeg raug txomnyem li tus tuaneeg, tubsab, neeg ua phem, lossis tus thabplaub. 16 Cia nws txhob txajmuag vim nws yog ib tug Khixatias, tabsis cia nws qhuas Vajtswv Ntuj hauv lub npe no. 17 Rauqhov lub caijnyoog txiavtxim yuav chiv ntawm Vajtswv Ntuj tsevneeg. Tabsis yog kev txiavtxim pib ntawm peb, qhov xaus rau cov uas tsis ntseeg Vajtswv Ntuj txojmoo zoo yuav zoo li cas? 18 Thiab

1 Li ib tug txwjlaug, ib tug timkhawv txog Khetos tej kev txomnyem, thiab ib tug koom lub tshwjchim uas samsim raug nthuav tawm, kuv nquahu cov txwjlaug hauv nej tias: 2 Yug Vajtswv Ntuj pab yaj ntawm nej, saibxyuas lawv, tsis vim kev quabyuam tabsis vim kev txaussiab raws Vajtswv Ntuj kom ua, tsis vim kev tsam tabsis vim kev kubsiab, 3 thiab tsis yog tswj lawv li lawv yog yus tug tabsis dhau ua qauv rau pab yaj. 4 Mas thaum tus Thawj Yug Yaj tshwm ntsejmuag los, nej yuav txais lub mom yeebkoob tshwjchim uas tsis txhawj nphob.

5 Ib yam li ntawd, cov hluas, tso tuskheej rau cov txwjlaug tswj, thiab nej sawvdaws muab txojkev txo hwjchim los hnav rau ntawm lawv xubntiag, rauqhov

8 Tswj tuskheej, zov rawv! Ntxwgnyoog, nej tus yeebncuab, nyooj laws li tus tsov ntxhuav, piav yeev thiab nrhiav dabtsi tom. 9 Sawv tawmtsam nws khovkho hauv kev ntseeg, rauqhov nej paub tias tej kev txomnyem no kuj tau los raug nej tsoom kwvtij hauv lub cejntug. 10 Tomqab nej raug txomnyem ib ntus, Vajtswv Ntuj tus muaj txhua yam vajhmoov, tus uas tau hu nej los rau ntawm Nws tus tshwjchim ibtxhis hauv Khetos Yexus, yuav muab nej tsa, muab nej los sawv, txhawb nej zog, thiab muab nej cog ruajkhov. 11 Hwjchim yog Nws tug mus ibtxhis tsis kawg. Amees.

12 Xilavas, ib tug kwvtij uas kuv xam tias muaj kev ntseeg zoo, tau pab kuv sau tsab ntawv luvluv no tuaj txhawb nej zog thiab ua timkhawv tias qhov no yog Vajtswv Ntuj qhov vajhmoov tseem uas nej tau sawv rau saud. 13 Pawgntseeg hauv Npanpiloos thiab kuv tus tub Malakaus xa kev nojqab nyobzoo rau nej. 14 Ibleeg hais kev nojqab nyobzoo rau ibleeg nrog kev sibqawg saum kev hlub.

Kev thajyeeb rau nej txhua tus uas nyob hauv Khetos.